विभिन्न विद्यालयको उच्च माध्यमिक परीक्षाफल सन्तोषजनक: टिस्टाभेल्ली उमाविका अनमोल दर्नाल 80.2% सहित विद्यालय टपर

पेशोक, १५ मई ।

सन् २०२६ को उच्च माध्यमिक (कक्षा १२) बोर्ड परीक्षाको नतिजा हिजो प्रकाशित भएको छ । यस वर्ष क्षेत्रका विभिन्न उच्चतर विद्यालयहरूको परीक्षाफल सन्तोषजनक रहेको जनाइएको छ ।

प्राप्त जानकारीअनुसार, टिस्टाभेल्ली उच्चतर माध्यमिक विद्यालयका विद्यार्थीहरूले उल्लेखनीय सफलता हासिल गरेका छन् । विद्यालयका सहशिक्षक सागर राईले दिएको जानकारी अनुसार १० जना विद्यार्थी प्रथम श्रेणी, १५ जना द्वितीय श्रेणी तथा २ जना तृतीय श्रेणीमा उत्तीर्ण भएका छन् । विद्यालयका अनमोल दर्नालले ८०.२ प्रतिशत अंक प्राप्त गर्दै विद्यालय टपर बन्न सफल भएका छन् ।

त्यसैगरी, सिंग्रीतामस्थित पण्डित जवाहरलाल नेहरू मेमोरियल विद्यालयको परीक्षाफल पनि सन्तोषजनक रहेको विद्यालयले जनाएको छ । कूल १३ जना परीक्षार्थीमध्ये ४ जना प्रथम श्रेणी, ५ जना द्वितीय श्रेणीमा उत्तीर्ण भएका छन् भने ४ जना अनुत्तीर्ण भएका छन् । विद्यालयका सुजय मुखिया ३९२ अंक (७८.४%) तथा सलोनी गुरुङ ३९१ अंक (७८.२%) प्राप्त गर्दै संयुक्त रूपमा विद्यालय टपर बनेका छन् ।

यता, टिस्टा ब्रीज उच्चतर विद्यालयमा सहभागी ३० जना विद्यार्थीमध्ये १५ जना प्रथम श्रेणीमा उत्तीर्ण भएको जानकारी प्राप्त भएको छ । प्राप्त जानकारी अनुसार ती प्रथम हुने विद्यार्थीहरु क्रमैले सुहाना ओझा ३८२(७६.४%), ईशिका नौबाग ३८२(७६.४%), नेहा मुखिया ३७० (७४%), नवाङ तामङ ३६७ (७३.४%), कृपाशा तामङ ३६६(७३.२%), कुसुम तामङ ३६५ (७३%), बर्खा सुन्दास ३६० (७२%), प्रितम प्रधान ३५०(७०%), सिमरन राई ३४१ (६८%), रिया छेत्री ३७७ ६७.५%), सबाज आलम ३२० (६४%), कृष्टिना लेप्चा ३०९ (६१.८%) अनि सुरज दियाली ३०० (६०%) हुन् । 

      पेशोक न्यूजलाई प्राप्त जानकारी अनुसार ती उत्कृष्ट परिणाम संगै उत्तीर्ण विद्यार्थीहरुलाई विद्यालयको पक्ष बाट अघिल्लो शैक्षिक यात्राको अग्रिम बधाई एवं शुभकामना व्यक्त गरिएको बताइएको छ् ।