हर्ष वर्धन श्रृंगलाले दार्जिलिङ्ग ऐतिहासिक टोय ट्रेनप्रति ध्यानाकर्षण गराउदै,यसको निम्ती राष्ट्रिय समर्थनको माग गरे
टोय ट्रेनको ऐतिहासिक र भावनात्मक महत्व उल्लेख गर्दै श्री श्रृंगला ले भने कि यो टेनले गत १४० वर्षदेखि नयाँ जलपाइगुडीबाट दार्जिलिङ्ग लाई जोड्छ, यो ट्रेन पहाडको परिचयको प्रतीक हो र विश्व पर्यटनको प्रमुख आकर्षण पनि हो। उनले चेतावनी दिँदै भने कि यसको इतिहासका बाबजुद रेलवे सञ्चालन र संरचनागत चुनौतीहरूको कारण यसको अस्तित्वलाई खतरा पुर्याइरहेको छ।
रेल गलियाराको सङ्कुचनप्रति ध्यानाकर्षण गर्दै उनले अतिक्रमण र पूर्वाधार दबाबले सुरक्षा र दक्षता प्रभावित भएको बताए। भूस्खलन र भारी वर्षाले बाटोमा क्षति पुर्याउने र सेवा बन्द गर्ने समस्या बढेको कुरोको पनि उल्लेख गरे। पुरानो स्टीम इन्जिनहरूको विशेष मर्मत र लगानी को आवश्यकता भएको बताउँदै छुटपुट प्रयासले सम्भव नहुने बताए।
“विकास पनि, विरासत पनि” को दृष्टिकोण को उल्लेख गर्दै उनले विकास र सम्पदा संरक्षण सँगसँगै हुनुपर्ने जोड दिए। दार्जीलिङ्ग हिमालयन रेलवे यस सन्तुलनको जीवन्त उदाहरण हो र संरक्षित तथा अगाडि बढ्ने दृष्टिकोणको नितान्त आवश्यकता भएको बताए।
उनले राष्ट्रिय स्तरको समग्र संरक्षण रणनीतिको माग गरे जसमा विशेष कोष, पूर्वाधार पुनर्स्थापना, गलियारा संरक्षण र विपद् न्यूनीकरण समावेश होस्। रणनीतिक पर्यटन प्रचारमार्फत स्थानीय संस्कृति, जीविका र समुदाय सहभागितासँग जोडेर रेलवेलाई नयाँ स्थान दिनुपर्ने बताए।
स्थानीय सरोकारवालाहरू, स्वयंसेवी समूह र पर्यटन सञ्चालकहरूलाई समावेश गर्दा रोजगारीका अवसर पनि प्राप्त हुने र आधारभूत स्तरमा स्वामित्व बलियो हुन्छ भने। युवा र रेलकर्मीहरूका लागि सम्पदा संरक्षण र आधुनिक मर्मत कौशल विकासको महत्व प्रति पनि जोड दिए।
“ _दार्जीलिङ्ग हिमालयन रेलवे को संरक्षण यातायात प्रणाली जोगाउने मात्र होइन। यो जीविका सम्पदा र पहाडको परिचय को सुरक्षा पनि हो_ ,” उनले सम्बोधनमा भने।
उनको हस्तक्षेपले टोय ट्रेनको भविष्यप्रति राष्ट्रिय ध्यान केन्द्रित गरेको छ र भारतको बहुमूल्य पहाडी रेलवे सुरक्षित गर्ने नीति साथै कारबाहीको आधारभूत तयार पारेको छ।
Comments
Post a Comment